Қостанайда полицейлер 200 келіден аса есірткіні өртеп жіберді
440
Қостанай облысында полицейлер тәркіленген 200 келіден аса есірткіні өртеп жіберді, - деп хабарлайды Opennews.kz ақпарат агенттігі Polisia.kz сайтына сілтеме жасап.Қостанай облысы полиция департаментінің аумағында есірткіні жою бойынша акция өтті. Комиссияның қатысуымен 200 килограмнан аса есірткі өртенді. Полицейлердің айтуынша, бұл есірткі қылмыстық іс бойынша заттай дәлелдемелер болған. Акция, біріншіден олардың қайталама айналымына жол бермеу үшін, екіншіден есірткіге қарсы іс-әрекет ретінде өткізілді.
Шараға Қостанай жоғары политехникалық колледжінің 40-тан аса студенті қатысты.
"Бұл біздің бірінші қатысып отырған бірлескен акциямыз емес, біз нашақорлық мәселесіне бей-жай қарамаймыз, зұлымдықпен бірге күресуіміз керек", - деді волонтер Артур Шихшабеков.
