Атыраулық жігіт 3 млн теңге айыппұлы бар көлікті сатып алған

7 маусым 2022, 10:03

274

Атыраулық 24 жастағы жігіт 3 млн теңгеге жуық 106 айыппұлы бар көлік сатып алған. Жол талғамайтын көлік Грузия елінде тіркелген, деп хабарлайды Opennews.kz ақпарат агеттігі Экспресс К сайтына сілтеме жасап.

6 маусымда жол сақшыларының назарына Грузияда тіркелген Toyota Highlander автокөлігі түседі. Базадаға мәліметке сәйкес, оның 2 млн 937 мың 417 теңге төленбеген 106 айыппұлы бар. Көлікті тоқтатып, бірден айыптұрағына қояды.

Көлігімнің айыппұлы бар екенін білмеппін. 2-3 күн бұрын ғана сатып алдым,— дейді жүргізуші.

Сондай-ақ, автокөліктің сақтандыру полисі болмай шықты. Тиісті хаттамалар толтырылды.

Тұрғындардан көлік сатып алу кезінде автокөлікті тексеру қажеттілігін және құжаттардың дұрыстығын қадағалауды ескертеміз,— дейді облыстық ПД ресми өкілі Мейірім Ердәулет.