Ақтауда екі белгісіз адам пәтерге кіріп әйелді сыммен тұншықтырып, тонап кеткен
326
Ақтауда белгісіз екі адам әйел мен бала тұрған пәтерге кіріп, қала тұрғынын баласының көзінше сымның бір бөлігімен тұншықтыруға тырысқан. Оқиға туралы Маңғыстау облысының полиция департаменті түсініктеме берді, деп хабарлайды Stan.kz ақпарат агенттігі “Lada.kz” порталына сілтеме жасап.
"Екі белгісіз адам көршімізді тонап кетті. Ол күйеуі жұмыста кеткен кезде үйде кішкентай баламен жалғыз болған. Ашық қалған есіктен екі ер адам кіріп, оны сыммен тұншықтырып, пәтерді тонаған. Құдайға шүкір өзі тірі қалды", - деді жәбірленушінің көршілері.
Маңғыстау облысының полиция департаменті 22 маусым күні сағат 15:25-те "102" кезекші пультіне пәтерді тонау туралы қоңырау түскенін хабарлады. Оқиға орнына тәртіп сақшылары барды. Қазір күдіктілерді ұстау бойынша жедел-іздестіру шаралары жүргізілуде.
