Балабақшадағы балалар 2 жасар бүлдіршінді сау-тамтығын қалдырмай тістелеп тастаған

Жамбыл облысында балабақшада 2 жастағы бүлдіршінді өзімен жасты бала 19 жерінен тістелеп тастаған, - деп хабарлайды  «Opennews.kz» ақпарат агенттігі "Еуразия" бірінші арнасына сілтеме жасап.

Оқиға Талас ауданындағы балабақшада болған. Тілі толық шықпаған баланы өзімен жасты бүлдіршін басынан аяғына дейін тістеп тастаған. Ал жәбір көріп, қатты шошынған бүлдіршін қазір ауруханада ем алып жатыр.
Балабақшаның бір емес, жиырмаға жуық қызметкері қайда болғаны белгісіз.

Балабақша басшылығы бұл жағдайды жасырмақ болған. Есікті қалқалап, журналистерді жолатпаған күзетші балабақша меңгерушісінің күйеуі болып шықты.

Сау-тамтығы қалмаған бүлдіршіннің туғандары балабақша бөлмелерінде бақылау камералары болмағаны және бүлдіршіндерді қараусыз қалдырғаны үшін мекеме басшысы мен қызметкерлерінің жұмыстан кетуін талап етіп отыр.