Шымкентте көпқабатты үйдің терезесінен 6 жасар бала құлап кетті

Шымкентте Қаратау ауданындағы Ақжайық №2 ықшам ауданындағы бес қабатты тұрғын үйдің үшінші қабатынан алты жасар бала құлап кеткен. деп хабарлайды Opennews.kz ақпарат агенттігі  Stan.kz ақпарат агенттігіне сілтеме жасап.

Оқыс оқиға 28 тамыз күні болған. Бала ауыр жағдайда ауруханаға жатқызылған.

Жеткіншек бел омыртқасының сынуы, іш қуысының жарақаты, жабық бассүйек-ми жарақаты диагнозымен ауруханаға жатқызылды.

Шымкент қаласы Төтенше жағдайлар департаментінің мәліметінше, соңғы 8 айда мұндай оқиға бесінші рет қайталанып отыр.

Департамент ата-аналарды сақ болуға және балаларды қараусыз қалдырмауға шақырады:
1. Терезелерді ашық қалдырмау;
2. Шіркейлерге арналған арнайы тор ілініп тұрса, баланы ол жерге жақындатпау. Бала терезеден белгілі бір кедергіні көріп оған сенімді түрде сүйенуі мүмкін. Нәтижесінде тор салмақты көтермей баланың құлауына себеп болады;
3.Балалардың терезенің жанында ойнауына жол бермей, оларды бір секундқа да қараусыз қалдырмаңыз.