Мүмкіндігі шектеулі балалар еміне бөлінген қаржы ұрланды
284
Қарағанды облысында мемлекеттік бюджеттен мүмкіндігі шектеулігі жеткіншектердің еміне бөлінген 50 миллион теңге ұрланды, деп хабарлайды Opennews.kz ақпарат агенттігі Stan.kz ақпарат агенттігіне сілтеме жасап.
Қарағанды облысы бойынша қаржы мониторингі агенттігі мемлекеттік қаржының жымқырылуына қатысты қылмыстық істі тексеруде. Қаржы ерекше балаларға шипажай-курорттық емдеу мен емдік-сауықтыру демалысын ұйымдастыру үшін бөлінген.
“Тапсырыс беруші мен ЖШС арасында наурыз бен желтоқсан айына дейін мүмкіндігі шектеулі жасөспірімдерді санаториялық емдеумен қамтамасыз ету бойынша 50 миллион теңгеге мемлекеттік шарт жасалған, аталмыш шарттың орындалмағаны үшін тергеулер жүргізіледі” – деді ведомоствода.
Шипажай сауықтыру орталығына жалған мәлімет ұсынып, өтірік құжаттамалар дайындау үшін 1,5 миллион теңге шамасында негізсіз ақша берілген.
