Алматыда жоғалған қыздың денесі қымбат мейрамхананың маңынан табылды

Алматыда 2 күн іздестірілген әйелдің денесін таныстары өзеннен тауып алған, деп хабарлайды Opennews.kz ақпарат агенттігі.

Facebook әлеуметтік желісінде Антон Гордеев есімді азамат танысын "зорлап, өлтіріп, кейін өзенге лақтырып жіберді" деп мәлімдеді.

Оны полиция емес, достары тапты. Ол бірнеше күн бұрын жоғалып кетті. Полиция күтіңіздер деді, ақыры денесін таныстары тапқан. Оқиға Алматыдағы қымбат ресторанның қасында болды, бірақ олардың қызметкерлері түк көмектеспеді,- деп жазады Антон Гордеев.

Қайғылы оқиғаға байланысты Алматы қаласының Полиция департаменті жауап берді. Олардың айтуынша, 18 қыркүйек күні Әуезов аудандық Полиция басқармасына қарасты полиция бөліміне жоғалып кеткен В.В.Солдатованың сіңілісі арыз жазған.

Оның хабарлауынша, 1988 жылы туған әпкесі 17 қыркүйек күні сағат 10:00 шамасында үйден шығып кетіп, қайта оралмаған.