«Астана-Петропавл» трассасында жол апатынан жүргізуші көз жұмды
518
Ақмола облысының Шортанды ауданы аумағында жол-көлік оқиғасы болды, деп хабарлайды Opennews.kz ақпарат агенттігі.
Облыстық полиция департаменті баспасөз қызметінің мәліметінше, жол апаты 19 қыркүйек күні сағат 07:12 шамасында «Астана-Петропавл» автожолының 26 шақырымында болған.
«Анықталғандай, Степногор қаласының 29 жастағы тұрғыны басқарған «ВМW» көлігі алда Көкшетау бағытында жүріп келе жатқан «Газель» көлігімен соқтығысқан. Салдарынан жеңіл көліктің жүргізушісі алған дене жарақатынан оқиға орнында көз жұмды», - деді ведомстводан.
Қазіргі уақытта жол-көлік оқиғасына байланысты Қылмыстық кодекстің 345-бабы 3-бөлігі бойынша сотқа дейінгі тергеу амалдары қолға алынды.
Сонымен бірге, сот-медициналық сараптама тағайындалды.
Айта кетсек, «Астана – Петропавл» тасжолында бұланның кесірінен екі жол-көлік оқиғасы болған еді.
