Қаз
Рус
Қарағанды облысында жол апатынан екі дәрігер көз жұмды
402
Тағы медицина қызметкерлері зардап шекті, деп хабарлайды Opennews.kz ақпарат агенттігі.
Олардың барлығы Балқаштағы "Жезқазған медициналық орталығы" ЖШС емханасында жұмыс істеген. Жантүршігерлік жол апаты дәрігерлер Балқаштағы "Қазақмыс" компаниясының жұмысшыларын медициналық тексеруден өткізіп, қайтып келе жатқан. Олар мінген автобус МАЗ маркалы жүк автокөлігімен соқтығысқан.
Қайғылы оқиғаға байланысты Денсаулық сақтау министрлігі дәрігерлердің туыстарына көңіл айтты.
"Министрлік атынан мезгілсіз көз жұмған Кенжеханова Виктория Ислямқызы мен Қыстаубаева Бақыт Рашитқызының жақындары мен отбасына қайғыра көңіл айтамыз. Отоларинголог Виктория Кенжеханова мен офтольмолог дәрігер Бақыт Қыстаубаева азаматтардың денсаулығын қорғауға ондаған жыл ғұмырын сарп еткен нағыз кәсіби мамандар еді. Аймақтық денсаулық сақтау саласы орны толмас ауыр қазаға душар болды", — делінген хабарламада.
Жол апаты 19 қыркүйек күні "Алматы — Екатеринбург" тасжолында болды.
