Қазақстандық клуб "Барсадан" кеткен Мессиге ұсыныс жасады

Қазақстандық премьер-лиганың "Тұран" клубы Instagram-дағы ресми парақшасы арқылы "Барселона" сапынан кеткен аргентиналық шабуылшы Лионель Мессиге ұсыныс жасады.

"Тұран" клубы өз құрамында Мессидің болғанын қалайтынын Instagram желісі арқылы білдірді. Отандық команда әйгілі аргентиналық футболшыны өз сапына өтуге шақырды.

"Құрметті Лионель Месси сізді түркі әлемінің рухани астанасы Түркістанға шақырамыз", - деп жазылған клуб хабарламасында.

Желі қолданушылары қазақстандық клубтың бұл жазбасын қызу талқылап, түрлі пікір білдірді.