«Канело» Мейвезердің келесі жекпе-жегін сынады

Мексикалық боксшы Сауль «Канело» Альварес Флойд Мейвезер мен YouTube блогері Логан Пол арасындағы жекпе-жекті келеке етті.

Флойд Мейвезер – Логан Пол жекпе-жегі 6 маусымда Майамидегі (Флорида, АҚШ) Hard Rock Stadium аренасында өтеді.

«Мұның бәрі ақша үшін. Бұл бекер өткен жекпе-жек. Ақымақтық. Кім жеңеді? Мен болсам, мұндай сұрақты қорлау деп түсінер едім ... Мейвезердің жеңетіні анық», - деді Канело Грэхем Бессинджерге берген сұхбатында.

Айта кетейік, Альварестің келесі жекпе-жегі 8 мамырда Арлингтондағы AT&T Stadium-та өтеді. Оның қарсыласы Билли Джо Сондерс болмақ.