Тағы бір қазақстандық әнші «Славян базары» байқауында жүлде алды

«Витебскідегі Славян базары» музыкалық байқауында қазақстандық әнші Құралай Мейрамбек үшінші орынды иеленді, - деп хабарлайды "Opennews.kz" ақпарат агенттігі БЕЛТА-ға сілтеме жасап.

Екі күндік байқау нәтижесінде армениялық өнерпаз Маша Мнджоян бас жүлде алса, бірінші орын – беларусь Самир Елчиевке берілді. Екінші орынды – ресейлік Елизавета Слышкина мен италиялық Agape бөлісті. Үшінші орынды – қазақстандық Құралай Мейрамбек және өзбекстандық Малика Хакимова иеленген.

«Славян хиті» байқауында Құралай беларусь халқының «Рэчанька» әнін шырқап, 70 ұпайдың 69-ын жинаған еді.

Байқаудың екінші күні «Әлемдік хит» сайысында Қ. Мейрамбек «Frozen 2» анимациялық фильміндегі «Into the unknown» саундтрегін орындап, 63 ұпай алды.

Бұған дейін балалар арасындағы «Славня базарында» 12 жасар Шерхан Арыстан Гран-приін жеңіп алған еді.