RUB (+0.03) 7.96 KZT
USD (-1.36) 476.62 KZT
EUR (-3.40) 485.53 KZT
Мәдениет
69

«TIJI» балалар телеарнасы енді қазақ тілінде хабар таратады

Балалар жылы аясында қолға алынған игі жоба Ақпарат және Қоғамдық даму министрлігі мен Францияның «GROUP M6» компаниясының бастамасымен жүзеге асты, деп хабарлайды Zakon.kz.

Алдын ала жүргізілген зерттеулер мен әлеуметтік сауалнамалар нәтижесі қазақстандық балалардың отандық өнімнен басқа, әсіресе осы телеарнаның өнімін сүйіп көретінін көрсетті.

Аударма жұмыстары былтыр басталып, 70 сағаттық телеөнім мемлекеттік тілде дубляждалды, деп жазды qazaqstan.tv.

Кездесу барысында тараптар балалар үшін қауіпсіз ақпараттық кеңістікті қамтамасыз ету маңыздылығына тоқталды.

Мен мультфильмдерді жақсы көремін.Уақыт болғанда қарап отырамыз. Әзірше, кабельдік жүйелерде көрсетіледі Қазақстанның территориясында. Болашақта шетелде, қиырда тұрған қазақстарға да таратуға болатын жолды табу керек,- деді Асқар Омаров, ҚР Ақпарат және қоғамдық даму министрі.


Жоба аясында атқарылған барлық жұмыстар Қазақстанда жүзеге асырылды. Өз басым елде аталмыш салада ілгерлеушілік бар екенін, дубляж кәсіби дамығанын, жаңа студиялардың ашылғанын байқадым. Ал «TIJI»-дің басты мессенджі балаларды ойын арқылы қызықтырып, тәрбиелік мәні бар контент қалыптастыру. Бізде сондай-ақ, 2-ден 7 жасқа дейінгі балаларға арналған телеоқыту бағдарламасы қарастырылған,- дейді Жан-Рене Окутюрье, «Group M6» компаниясының директоры.