БАӘ елшісінің мәлімдемесінен кейін мұнай бағасы төмендеп кетті

Сауда деректеріне сәйкес, Brent және WTI маркалы мұнайдың әлемдік бағасы 12 пайызға төмендеді, - деп хабарлайды Opennews.kz ақпарат агенттігі  РИА Новостиге сілтеме жасап.

Нұр-Сұлтан уақыты бойынша сағат 5:00-дегі жағдай бойынша, Brent маркалы мұнайдың мамырдағы фьючерстері барреліне 112,51 долларға, WTI маркалы мұнайдың сәуірдегі фьючерстері 109,27 долларға дейін төмендеген.

Мұнай бағасына БАӘ-нің АҚШ-тағы елшісі Юсуф әл-Утейбудың мәлімдемесі әсер еткен. Ол БАӘ мұнай өндірісін арттыруды жақтайтыны және ОПЕК-те тиісті шешім қабылдауға ниетті екені туралы айтқан болатын.
Өткен аптада мұнай Brent және WTI үшін шамамен 20 пайызға және 25 пайызға қымбаттады, қазір мұнай бағасы 2008 жылғы деңгейде.