Елімізде оқушыларды тәрбиелеу жоспарына ұлттық ойындар енгізілді

Қазақстанда мектеп оқушыларын дамыту жоспарына ұлттық ойындар енгізілді, - деп хабарлайды "Opennews.kz" ақпарат агенттігі.

Ыбырай Алтынсарин атындағы Ұлттық білім академиясының тәрбие жұмысын арттыру мақсатында жаңа оқу жылына орта білім беру ұйымына арналған "тоғыз айға тоғыз іс-шара" жоспары ұсынылды.

Ұлттық білім академиясының президенті Мадина Тыныбаевның айтуынша , оқушылар тоғыз түрлі іс-шараға қатысады.

Айта кетейік, іс-шаралар келесі тәртіпте өткізіледі:

Қыркүйек – "Дене шынықтыру минуты"

Қазан – "Әнұран айту"

Қараша – "Асық ойнау"

Желтоқсан – "Шығарма жазу: Болашаққа хат"

Қаңтар – "Қазақ есебі"

Ақпан – "Оқуға құштар мектеп"

Наурыз – "Домбырашылар"

Сәуір – "Тоғызқұмалақ, шахмат ойыны"

Мамыр – "Жасыл мекен".