Балабақша кезегінің ашық базасы пайда болады

Қазақстанда дәрілік заттарды бақылау жөніндегі ақпараттық жүйе және балабақша кезегінің бірыңғай базасы келесі жылы іске қосылады,- деп хабарлайды "Opennews.kz" ақпарат агенттігі.

Кеңесте премьер-министр Әлихан Смайыловқа тиісті цифрлық шешімдер таныстырылды.

Бақылау жүйесін 2024 жылдың шілдесінен бастап енгізу жоспарлануда. Үкімет басшысына балабақшаларға кезекті есепке алудың бірыңғай базасы таныстырылды. Ол мектепке дейінгі ұйымдарға орын бөлудің толық ашықтығын қамтамасыз ету үшін жасалған.

Премьер-министр бұл жүйе мектепке дейінгі ұйымдарда сыбайлас жемқорлық тәуекелдерін болдырмау үшін жұмыс істеуі тиіс екенін атап өтті.