Қазақстан азаматы Жапониядағы университеттің вице-президенті болып тағайындалды
2 445
Медицина ғылымдарының докторы, профессор Серік Мейірманов Жапонияның беделді Рицумейкан Азиаттық-Тынық мұхит университетінің (Ritsumeikan Asia Pacific University – APU) вице-президенті (проректоры) лауазымына тағайындалды, - деп хабарлайды "Opennews.kz" ақпарат агенттігі.
APU университеті Жапонияның Беппу қаласында орналасқан.
Вице-президент лауазымына тағайындалғанға дейін профессор Серік Қасымханұлы APU университетінде академиялық істер жөніндегі декан (Dean of Academic Affairs) қызметін үш жыл бойы табысты атқарды. Осы кезеңде ол оқу бағдарламалары мен университеттегі академиялық ортаның дамуына елеулі үлес қосты. Оның бай тәжірибесі мен біліктілігі (MD, PhD) оны жаңа басшылық қызметке лайық етті.
