Енді Оқушылар Еgov.kz порталы арқылы онлайн қабылданады

ҚР Білім және ғылым министрлігі: Бірінші сыныпқа баратын оқушылардың құжаттары енді сәуір айынан бастап қабылданады, - деп хабарлайды Opennews.kz ақпарат агенттігі. 

Балаларды мектепке қабылдау тәртібі ҚР БҒМ 2018 жылғы 12 қазандағы 564 бұйрығымен бекітілген оқуға қабылдаудың үлгілік қағидаларында айқындалған. 1-сыныпқа 6 жастан бастап балалар ата-анасының немесе білім алушылардың заңды өкілінің жеке өтініші негізінде қабылданады.

Осы орайда мынадай құжаттар қажет: баланың туу туралы куәлігінің көшірмесі; 026/у-3 нысаны бойынша денсаулық паспорты; 063/у нысаны бойынша денсаулық жағдайы туралы құжат (екпе картасы) және 3х4 көлеміндегі фотосуреттің екі данасы.

«Құжаттарды қабылдау биылғы күнтізбелік жылдың 1 сәуірінен 1 тамызына дейін жүргізіледі», - деді Г. Кәрімова Орталық коммуникациялар қызметінде.

Бірнеше жыл бойы құжаттарды және балаларды мектепке қабылдау бойынша мемлекеттік қызмет автоматтандырылды. 1-сыныпқа қабылдау электрондық үкіметтің Еgov.kz веб-порталы арқылы жүзеге асырылады.

 Өңірлердегі білім басқармалары әлеуметтік желілер мен БАҚ арқылы ата-аналар арасында балаларды мектепке қабылдау ережелері туралы ақпараттық-түсіндіру жұмыстарын қосымша жүргізетін болады. Оның айтуынша, биыл бірінші сыныпқа 420 мың бүлдіршін барады деп ескерілген. Бұл көрсеткіш былтырға қарағанда жоғары.