Мектептерге дзюдо үйірмелері енгізіледі

Келер жылдан бастап Қазақстанның 217 мектебінде дзюдо секциялары ашылады,-деп хабарлайды Opennews.kz ақпарат агенттігі.

Жоба аясында Халықаралық дзюдо федерациясы (IJF) мектеп оқушыларына арналған арнайы жеңілдетілген оқу бағдарламасын ұсынды. Аталған бағдарлама балалардың жас ерекшелігі мен қауіпсіздігін ескере отырып әзірленген.

Алдағы үш жыл ішінде дзюдо үйірмелерінің санын республика бойынша мың мектепке дейін жеткізу жоспарланып отыр. Бұл ретте ауыл мектептеріне басымдық беріледі.

Сонымен қатар, бастама шеңберінде дзюдо бапкерлерін даярлау, олардың біліктілігін арттыру және кәсіби деңгейін көтеру мәселесіне ерекше көңіл бөлінбек.