Денсаулық сақтау министрлігі ораза ұстаушыларға бірқатар кеңес берді

Денсаулық сақтау министрлігі Рамазан айының 30 - күн оразасын ұстауға ниет еткен жандарға маңызды кеңестер ұсынды,- деп хабарлайды Opennews.kz ақпарат агенттігі.

19 - шы ақпан күні қасиетті Рамазан айы кірді. Осы орайда мамандар Ораза ұстау барысында денсаулық жағдайын ескеру маңызды екенін атап өтілген.

Дәрігерлер ұсынған кеңестері:

Ауызашар мен сәресі арасындағы уақытта су ішуді ұмытпаңыз. Кешкі және түнгі уақытта суды аз-аздан, бірнеше рет ішкен дұрыс;

Ауызашар кезінде, асты баяу әрі жеке қажеттіліктерге сәйкес мөлшерде ішіңіз. Бұл асқазандағы ауырлықты және қыжылды болдырмауға көмектеседі;

Күніңізді белсенді өткізіңіз және кешкі уақытта қозғалысты азайтпаңыз, мысалы, күнделікті серуенге шығыңыз;

Сәресіні қалдырмаңыз. Ол күн ұзаққа энергияны сақтауға және әлсіздік пен бас айналу қаупін азайтуға көмектеседі;

Тәтті, тұзды және майлы тағамдарды шектеңіз. Тәттілердің орнына суы көп жемістерді таңдаған дұрыс (қарбыз, қауын, маусымдық жемістер).

Рамазан – денсаулыққа көңіл бөлуге және темекіден бас тартуға алғашқы қадам жасауға тамаша уақыт. Ораза әдеттерді бақылауға көмектеседі және тоқтауға жеңілдік береді.

Мамандар ораза ұстаушыларды жоғарыда айтылған қарапайым ережелерді берік ұстануға шақырады.