Қазақстанда 869 мың оқушы COVID-19 індетіне қарсы вакцина салдырды

Қазақстанда коронавирус инфекциясына қарсы вакцина салу жұмыстары жалғасуда , деп хабарлайды Opennews.kz ақпарат агенттігі.

Елімізде  вакцинанын бірінші компонентін 9 545 896 адам, екіншісін 9 327 017 адам салдырды.

Ал «Pfizer» вакцинасының I дозасын 1 231 796 адам, ІІ дозасын 1 179 694 адам салдырды.

Оның ішінде:

І компонент - Жасөспірімдер – 869 781 - Жүкті әйелдер – 41 334 - Бала емізетін әйелдер – 145 108.

ІІ компонент - Жасөспірімдер – 850 809 - Жүкті әйелдер – 39 024 - Бала емізетін әйелдер – 140 438.

Қазіргі уақытта әлемнің 20-дан астам елінде 12 жастан бастап, жекелеген елдерде 3 жастан бастап (Қытай) және 5 жастан бастап (АҚШ) жасөспірімдерге вакцинация жүргізілуде.
Америкада Пфайзер өндіретін вакцина шамамен 8 миллион адам егілді, оның ішінде 5 жастан асқан балаларды вакцинациялау басталды, Қытайда – 2021 жылдың қазан айында 3 жастан 17 жасқа дейінгі балалар арасында коронавирустық инфекцияға қарсы белсенділігі жойылған отандық вакцинаны шұғыл қолдану қабылданды және аталған жастағы 60 миллионнан астам балалар мен жасөспірімдер егілді.

Қазақстанда коронавирустық инфекцияларға қарсы вакцинация тегін жүргізіледі және ерікті болып табылады. Қазақстан Республикасының "Халық денсаулығы және денсаулық сақтау жүйесі туралы" Кодексінің 77-бабына сәйкес кез келген медициналық рәсім, оның ішінде вакцинация егілушінің келісімімен ғана жүргізіледі. 12 жастан 17 жасқа дейінгі жасөспірімдерді вакцинациялауға ата-аналарының немесе олардың заңды өкілдерінің хабардар етілген жазбаша келісімімен ғана жол беріледі. Қазақстанда вакцинациядан бас тартқаны үшін әкімшілік немесе қылмыстық жауапкершілік қарастырылмаған.