ҚР-да КВИ ауруының өсуі байқалуда
328
Қазақстанда КВИ ауруының өсуі байқалуда, - деп хабарлайды "Opennews.kz" ақпарат агенттігі.ҚР Денсаулық сақтау министрі Ажар Ғиният ҚР Президенті жанындағы Орталық коммуникациялар қызметінің брифингінде еліміздегі COVID-19 ауруы бойынша эпидемиологиялық жағдай туралы хабарлады.
"Әлемде және Қазақстанда 20 маусымнан бастап аурушаңдық деңгейінің өсуімен қатар КВИ аурушаңдығының өсуі де байқалады, соңғы аптада алдыңғы аптамен салыстырғанда аурушаңдық 2,5 есеге - 1030-дан 2558 жағдайға дейін өсті. Тәулігіне КВИ+ - нің 1300 - ге дейін және КВИ- -нің 15-ке дейін жағдайы тіркеліп жатыр", - деді министр.
Бұл ретте соңғы аптада ауырғандардың 70%-ы Алматы және Нұр-Сұлтан қалаларына тиесілі.
Маусым айында жүргізілген секвенирлеу қорытындысы бойынша Қазақстанда үлгілердің 70% - ы Омикрон ВА.5 нұсқасына, қалған 30%-ы жасырын омикрон нұсқасына тән екені анықталды.
Денсаулық сақтау министрлігінің басшысы сырқаттанушылықтың көтерілуіне қарамастан, науқастарды ауруханаға жатқызу деңгейі әлі де төмен екенін атап өтті.
Ағымдағы жылғы 15 шілдедегі жағдай бойынша республикада КВИ бойынша стационарлық көмекті қуаты 3282 төсек болатын 139 инфекциялық аурухана көрсетеді, онда 570 пациент емдеуге жатқызылды, 2 817 төсектің 570 төсек-орны немесе 20%-ы жұмыспен қамтылды.
Сырқаттанушылықтың өсуіне қарамастан, реанимациялық төсек-орындарды жұмыспен қамту 4%-ды құрайды."Стационарлық емделуде жатқан пациенттерге талдау жүргізілді. Мәселен, КВИ бар стационарлық емдеудегі пациенттердің ішінде 18 жасқа дейінгі балалар - 41,7%-ды, оның ішінде 1 жасқа дейін - 23%-ды құрайды. Ересек пациенттер 58,3%-ды құрады. Әртүрлі қатар жүретін аурулары бар пациенттер - 23%", - деп хабарлады А.Ғиният.
Министрдің айтуынша, АРИТБ-де 18 адам бар, оның ішінде реанимациялық науқастардың ең жоғары көрсеткіші, яғни, 11 пациент Нұр-Сұлтан қаласында, Жамбыл облысында ӨЖЖ-де 1 бала.
Реанимациялық науқастардың негізгі контингенті - бұл ілеспе аурулары бар 50 жастан асқан адамдар.
Медициналық-санитарлық алғашқы көмек деңгейінде КВИ бар пациенттерге медициналық көмек көрсету үшін КВИ бар науқастарды бақылау бойынша 2387 мобильді бригада, оның ішінде 1010 ауылда ұйымдастырылды.
Министр сондай-ақ ДДҰ ұсынымдары мен халықаралық тәжірибені ескере отырып, COVID-19 эпидемиологиялық жағдайын бағалау матрицасының өзектендірілуі және сырқаттанушылық көрсеткішін ауруханаға жатқызу көрсеткішіне ауыстыру туралы хабарлады.
Мәселен,"Жасыл" аймақ 2 500 науқасқа дейін төсек-орын бос болмаған кезде; 5 000 науқасқа дейін төсек-орын бос болмаған және R репродуктивті санының көрсеткіші 1-ден кем болған кезде белгіленеді.Сары аймақ - төсек 5000 науқасқа дейін және R 1-ден көп болған кезде; төсек 5000-нан 10000-ға дейін және R 1-ден аз болған кезде белгіленеді.
Қызыл аймақ - төсек 5000 науқастан және R 1-ден көп болған кезде; R-ге қарамастан 10000-нан астам науқасқа төсек-орын болған кезде белгіленеді.
"Сары" аймаққа көшу кезінде инфекция көзін оқшаулауға және мінез-құлық факторларын күшейтуге бағытталған шаралар қабылданатын болады.
"Өңірлерде «қызыл» аймаққа көшу кезінде сары аймақта қабылданған шараларға қосымша стационар мен МСАК жүктемесіне байланысты екі кезеңде халықтың жүріп-тұруы мен кәсіпкерлік субъектілерінің қызметін шектеу шаралары қабылданатын болады. Шаралар қабылдау жөніндегі ұсыныстар ведомствоаралық комиссияның қарауына енгізілетін болады", - деді министр.
А.Ғиният КВИ-ға қарсы вакцинация инфекцияның ауыр түрлерінен және ауруханаға жатқызудың алдын алудың жалғыз қол жетімді нақты шарасы екенін тағы да еске салды.
"Вакцинация және ревакцинация инфекциядан жалғыз қорғаныс болып қала береді. Алматы және Нұр-Сұлтан қалаларының мысалында ауырғандардың 80% - ы вакцинациянадан өтпеген немесе 6 ай бұрын егілген, бұл КВИ-ға қарсы вакцинациялау қажеттілігін тағы да растайды", - деп атап өтті ҚР ДСМ басшысы.
Қазіргі уақытта Қазақстанда халықты вакцинациялау үшін вакциналардың 3 түрі (КазВак, Синофарм, Пфайзер), қайта вакцинациялау және ревакцинациялау үшін – Казвак және Синофарм қолжетімді. Егу пункттерінде қалған вакцинаның 1,6 миллион дозасы бар.
Бүгінгі таңда КВИ-ға қарсы вакцинациямен ересек тұрғындардың 80% - дан астамы немесе елдің барлық халқының 56% - дан астамы қамтылған.
І-ші компонентпен 10,7 млн адам, ІІ-ші компонентпен - 10,4 млн адам егілді, тәулігіне 5 мыңнан астам адам вакцинациядан өтуде.
Республика бойынша КВИ-ға қарсы бастапқы ревакцинациямен қамту тиісті халықтың 67,5% - дан астамын құрады, 4,9 млн адам қамтылды, тәулігіне 10,0 мыңнан астам адам егіледі.
"Мамыр айының соңынан бастап біз қайта ревакцинацияны енгіздік, бүгінгі таңда 44%, яғни, 260 мың адам қамтылды. Айта кететіні, COVID-19-ға қарсы ревакцинация алдыңғы вакциналардың көмегімен пайда болған вакцинадан кейінгі иммунитетті сақтауға және ағзаны аурудан қорғауды күшейтуге бағытталған. Бір өкініштісі, вакцинацияланған адамдарда, сондай-ақ КВИ-мен ауырған адамдарда уақыт өте келе дененің инфекциядан қорғалу деңгейі төмендейді, нәтижесінде адам қайтадан инфекцияға сезімтал болады. Осыған байланысты, вакцинацияның бастапқы курсын алғаннан кейін 6 айдан кейін КВИ - ға қарсы ревакцинация алу ұсынылады", - деп қосты Денсаулық сақтау министрі.
