200-ден аса жолаушысы бар пойыз релістен шығып кетті

5 марта 2023, 16:04

834

Русский перевод этой статьи пока не опубликован. Ниже — оригинал на казахском языке.

Ақтөбеде жолаушылар пойызы рельстен шығып кетті, деп хабарлайды Opennews.kz ақпарат агенттігі.

Алдын ала мәліметтер бойынша, бүгін сағат 10:30-да Ақтөбе облысы Шалқар ауданы Бершүгір теміржол станциясында жолаушылар пойызы маневрлік локомотивпен соқтығысқан.

Салдарынан «Бішкек-Самара» бағытымен жүретін №317 жолаушылар пойызының тепловозы, №1 вагоны және №2 жолаушылар пойызының 3 доңғалақты жұбы рельстен шығып кетті. Оқиға орнына Қазавиақұтқару тікұшағы ұшып шығып, құтқару бөлімшелері және ҚТЖ қалпына келтіру пойызы жөнелтілді, - деді ТЖД баспасөз қызметі.

Релістен шығып кеткен пойызда 200-ден аса адам (Қырғызстан, РФ және Қазақстан азаматтары, ҚТЖ қызметкерлері) болған. Жолаушылар зардап шекпеген. Олар пойыздың басқа вагондарына орналастырылды.

Апатқа қатысты жедел штаб құрылды. Қазір оқиғаның себебі анықталып жатыр.