"Жалған" бұқа мен сиырлар: кәсіпкер 50 млн теңгеден астам субсидия алған

Ақмола облысында мал шаруашылығын дамытуға бөлінген 50 млн теңгеден астам бюджет қаражаты жымқырылды,- деп хабарлайды Оpennews.kz ақпарат агенттігі Zakon.kz порталына сілтеме жасап.

Бұл туралы 2026 жылғы 4 қыркүйекте Қаржылық мониторинг агенттігінің баспасөз қызметі мәлімдеді.

Тергеу мәліметінше, "Медина" ауыл шаруашылығы өндірістік кооперативінің директоры мен Шортанды аудандық ветеринариялық станциясының басшысы ақпараттық жүйеге ірі қара мал саны туралы жалған мәлімет енгізіп, мемлекеттік субсидияларды заңсыз алуды ұйымдастырған.

Бұдан бөлек, төрт өтінімде аналық мал басының саны 3 мыңға артық көрсетілген. Соның салдарынан тағы 27 млн теңге субсидия негізсіз төленген.

Осылайша, мемлекетке келтірілген залал 50 млн теңгеден асқан.

Кооператив директорына қатысты үйқамақ түріндегі бұлтартпау шарасы қолданылған. Тергеу жалғасып жатыр.