Алмас Кішкенбаевқа сот үкімі шықты
2 725
Жақында әлеуметтік желілерде ауыр айып тағылып, полицияға жеткізілгені айтылған әнші Алмас Кішкенбаевқа сот үкімі шықты, - деп хабарлайды "Opennews.kz" ақпарат агенттігі.
Алмас Кішкенбаев 15 тәулікке қамауға алынды.
«ӘҚБтК-нің 434-бабының 1-бөлігінде қоғамдық тәртіп пен тыныштықты бұзатын жеке тұлғаларға зәбірлеп тиiскені үшін жауапкершілік қарастырылған. Сотпен айыпталушы мас күйінде бола тұра, осындай әрекеттерді жасағаны анықталды. Сотта оқиғаның мән-жайы есінде жоқ екенін түсіндірді. 434-баптың 1-бөлігінің санкциясы 20 АЕК мөлшерінде айыппұл салу немесе 5 күннен 15 тәулікке дейін әкімшілік қамаққа алу түріндегі жауапкершілікті қарастырады. Жауаптылықты жеңілдететін мән-жайлар анықталған жоқ», - делінген хабарламада.
Соттың мәліметінше, жауаптылықты ауырлататын мән-жай мас күйінде құқық бұзушылық жасау болып анықталды.
«Жоғарыда айтылғандардың негізінде айыпталушы ӘҚБтК-нің 434-бабының 1-бөлігінде көзделген әкімшілік құқық бұзушылықты жасағаны үшін кінәлі деп танылып, оған 15 тәулікке қамауға алу жазасы тағайындалды. Сот қаулысы заңды күшіне енген жоқ», - деп хабарлайды қалалық сот.
