Актриса Дариға Бадықова қыз ұзатуды қолға алды
948
Актриса Дариға Бадықова қыз ұзата бастап, әншілікке кеше келмегенін мәлімдеді- деп хабарлайды Opennews.kz ақпарат агенттігі.
Актриса әлеуметтік желіде қыз ұзатып бара жатқан сәтінен видео жариялады. 
"Көрініп ізгілігің,
Артта қап қыз ғұмырың,⠀⠀⠀
Тебіренттің бізді бүгін, Күнім!
Иә, мен қыз ұзатам еще. Қаншама арудың көзінен аққан мөлдір тамшының куәсі болдым. Қанша рет "Қыз - өріс" деген тағылымның тереңдігін сезіндім. Қанша қазақ қызының құтты орнына қонып, ең бақытты әйел болуын мына жұдырықтай жүрегіммен тіледім.
Мен қыздың жіңішке жолын ұғындыратын бұл тойдағы өз рөлімді жүрегіммен сезінемін. Жан-тәніммен беріліп кететінім сонша, ұзатылып жатқан арудың бүкіл сезімін өне-бойымнан өткіземін.
Как будто өзім ұзатылып бара жатқандай. Әншілікке кеше келгенім жоқ. Сонау ауылдан бері, бала кезімнен ән айтатынымды жақсы білесіздер. Муз драманы тәмамдағам", - деп жазба қалдырды өнер иесі желідегі парақшасында.
Дариғаның әншілік өнерінен хабарсыз оқырмандары көп екен. Олар Бадықованың ән шырқағанына таңырқап, даусына тәнті болғандарын атап өтті.
