Ерке Есмахан: Қазіргі заманда қарапайым болсаң, адамдар басыңа шығып кетеді
421
Ерке Есмахан Дубайға демалысқа аттанды. Алайда әнші кезекті сапарына кіммен барғанын жариялаудан бас тартты, - деп хабарлайды Opennews.kz ақпарат агенттігі Stan.kz сайтына сілтеме жасап.
Әнші қарапайымдылық ұғымына көзқарасын білдірді.
"Мен қарапайым жанұяда, ауылда дүниеге келіп бойжеткенмін. Кейін образ, анау-мынау деген пайда болды. Қазіргі заманда қатты қарапайым болсаң, адамдар оны бағаламай, басыңа шығып кететін сәттер болады. Сондықтан қарапайымдылық та орнымен болу керек деп түсінемін", - деді ол.
Сондай-ақ, Ерке өмірде қатты қиналған кезі жайлы сұраған оқырманына жауап берді.
"Енді адам болған соң, әртүрлі кезең бастан өтеді. Тек күліп жүру ол өтірік, өзін өзі, айналаны алдау деп ойлаймын. Мен ештеңеге қатты қиналмағам. Тек әкем кеткенде қатты күйзелдім, оны да өмір заңдылығы деп қабылдадым", - дейді Есмахан.
