АУДАН ӘКІМІ ҚАЛА ТҰРҒЫНДАРЫМЕН КЕЗДЕСТІ

Бүгін аудан әкімі Серік Сермағамбетов қаланың арнайы бекітілген V-секторы, "Жаңа ауыл" мөлтек ауданының тұрғындарымен кездесті,- деп хабарлайды Opennews.kz  ақпарат агенттігі.

 № 83 орта мектепте өткен басқосуда Серік Сағитжанұлы жыл көлемінде атқарылған жұмыстар мен алдағы жоспарлар туралы айтты. 

 «Ауданда индустрия инновациялық даму мемлекетік бағдарламасының ІІІ-бесжылдығы аясында 9 жоба енгізіліп, оның 2-і іске асты. Қазіргі таңда жалпы құны 160 млрд.теңгені құрайтын, іске қосылғанда 1352 адамды жұмыспен қамтитын 7 жоба жүзеге асырылуда.

 Бұдан бөлек, биылдың өзінде біріңғай индустрияландыру картасына қосымша жалпы құны 5 млрд 674 млн. теңге болатын, 5 жоба  енгізу мақсатында тиісті жұмыстар жүргізілуде. Нысандар іске қосылғанда 500-ге жуық жергілікті азамат жұмыспен қамтылатын болады», - деп жасалған жұмыстарды тізбектеп өтті. 

 Кездесу барысында тұрғындар тарапынан бірнеше мәселе көтерілді.  Түнгі жарық пен ауыз су ағысының төмендігі жөнінде  ұсыныстарын білдірді.

Өз кезегінде аудан әкімі Серік Сермағамбетов су қысымын жақсарту үшін «Арал-Сарбұлақ» топтық су құбыры мекемесінің жауапты мамандарына тапсырма беріп, өзекті мәселені дереу арада шешуді тапсырды. Сондай-ақ көшені жарықтандыру бойынша, бұл жұмыстар кезең-кезеңімен жүзеге асып жатқандығын жеткізді.