Салымшылар үшін депозиттегі жинақтың 10 %-ын алуға өтініш беру мерзімі ұзартылуда

Қазақстанда депозитте сақталған қаражатқа мемлекеттен сыйақы алу үшін өтінімдерді қабылдау мерзімі ұзартылмақ, деп хабарлайды Opennews.kz ақпарат агенттігі.



Салымшылар депозиттегі жинағының 10 %-ын бір реттік сыйақы ретінде алу үшін 2023 жылдың 10-ақпанынан кешіктірмей өтінім беру керек. Мұндай өзгертулер мен толықтырулар ашық үкімет порталында жарияланды.

Сондай-ақ, жарияланған құжатта қайтыс болған салымшы мұрагерінің өтемақы алу шарттары да көрсетілген. Мысалы, көз жұмған салымшының өтемақысы мен мұрагердің банктегі жинағы бойынша сыйақысын алу процесі жеке-жеке жүргізіледі. Қайтыс болған азамат пен мұрагердің депозиттегі қаражаты 20 миллион теңгеде аспауы тиіс.

Естеріңізге салсақ, үкімет биыл банктерде ұлттық валютамен қаражат жинаған азаматтар салымының 10 %-ын бір реттік сыйақы ретінде мемлекет тарапынан төлеу туралы қаулы шығарды.