Жұмыссыз қалғандарға төленетін жәрдемақы мөлшері көбеймек

2023 жылдан бастап жұмыссыз қалғандар 6 ай бойы бұрынғы табысының 45 пайызын алып отырады, деп хабарлайды Opennews.kz ақпарат агенттігі.



Бұл туралы Еңбек және халықты әлеуметтік қорғау министрі Тамара Дүйсенова айтты.

Келер жылдан бастап жұмыссыз қалған азаматтарға жарналарын төлеген уақытына сәйкес, 6 айға дейін бұрынғы табысының 45 пайызын төлеу қарастырылып отыр, – деді министр.

Ол бұл мақсатты орындау үшін ең алдымен шағын бизнестегі жалдамалы қызметкерлер, платформаның көмегімен жұмыс істеп жүрген азаматтарға қатысты салықтық жүктемелерді төмендету қарастырылатынын айтты.