27 жастағы әйел үш баласымен 9-қабатты үйдің терезесінен секіріп көз жұмды

Өзбекстанда 27 жастағы тұрғын тоғыз қабатты үйдің терезесінен үш баланы лақтырып, артынан өзі секірген, - деп хабарлайды "Opennews.kz" ақпарат агенттігі Podrobno.uz сайтына сілтеме жасап.

Оқиға Сіргелі ауданында 3 сәуірде кешке орын алды. Оқиға орнында түсіріліген бейнежазба Ташкент жұртшылығы мен мессенджерлеріне тарады.

Өзбекстанның Бас прокуратурасы ақпаратты растады. 27 жастағы әйел тоғызыншы қабаттағы пәтердегі терезеден балаларын кезек-кезек лақтырып, соңында бір жасар қызын қолына алып, өзі де секіріп кеткен. Әйелдің өзі де, 4 және 5 жасар ұлдары мен сәбиі де көз жұмды.

Марқұмның мұндай әрекетіне не себеп болғаны әлі белгісіз. Тергеу жұмыстары басталды.