Демалыс орындарының бірінде 9 жасар бала бассейнге батып, көз жұмды
468
Ақтауда 9 жасар бала демалыс орындарының біріндегі бассейнге батып кетті, - деп хабарлайды "Opennews.kz" ақпарат агенттігі Lada басылымына сілтеме жасап.
Маңғыстау облысы ІІД баспасөз қызметінің мәліметінше оқиға 13 шілде күні орын алған. Демалыс орындарының бірінде 9 жасар бала бассейнге батып, көз жұмған.
"102" кезекші пультіне қоңырау сағат 15:12-де түсті. Тергеу-жедел тобы оқиға орнына барды. Бала бассейнге батып кеткен. Оның қасында ата-анасы болған”, – деп хабарлады ведомствоның баспасөз қызметі.
Ведомствода бұл факті қалалық ІІБ сотқа дейінгі тергеп-тексерудің бірыңғай тізіліміне 001-бабы ("Адам өлімі") бойынша тіркелгенін айтты. Тергеу мүддесіне қатысты басқа мәліметтер жарияланбайды.
