17 жасар баланы тоқ соғып, көз жұмды
1 571
Павлодарда тоқ соққан жасөспірім көз жұмды, - деп хабарлайды "Opennews.kz" ақпарат агенттігі.
Қайғылы оқиға 12 сәуір күні Мойылды ауылында болған. Мекенжайға жеткен дәрігерлер 40 минут реанимациялық іс-шаралар жасаған, алайда 2007 жылы туған жасөспірімді құтқара алмады.
«12 сәуірде сағат 19:00 шамасында Мойылды ауылында Ұлы Дала көшесінде орналасқан төртінші трансформаторлық қосалқы станцияда қайғылы жағдай болды. 17 жастағы баланы электр тогы соғып, көз жұмды,– деп хабарлады әкімдіктің баспасөз қызметі.
Жасөспірім Павлодар қаласының тұрғыны. Алайда ол сол күні әжесінің үйінде қонақта жүрген.
Облыстық полиция департаменті сот-медициналық сараптама тағайындалғанын және оның нәтижелері бойынша іс жүргізу шешімі қабылданатынын мәлімдеді.
