Еден жуушыларды мектептің құрылыс жұмыстарына мәжбүрлі түрде жұмсаған
Алматы облысындағы мектептердің бірінен дау шықты, - деп хабарлайды "Opennews.kz" ақпарат агенттігі.
Әлеуметтік желілерде жөндеу жұмыстарын жүргізуге мәжбүр болған техникалық персоналдың наразылығы айтылған бейнежазба кең тарап, белсенді талқыланып жатыр.
Бейнеүндеуді осы оқу орнын тазалаушылардың бірі жазған. Онда қызметкерлерді үй-жайларды таза ұстауға ғана емес, сонымен қатар мектепте жөндеу жұмыстарымен айналысуға мәжбүрлейтіні айтылады. Кейін мектептің Алматы облысының Жамбыл ауданына қарасты Қайназар ауылында орналасқаны белгілі болды. Әйел бұқаралық ақпарат құралдарына осы жағдайды шешуге көмек сұрап жүгінді.
Видео авторы риторикалық сұрақ қояды:
мұндай талап заңға сәйкес келе ме, жоқ па, өйткені бұл қосымша міндеттер үшін қосымша ақы төленбейді. Ол сондай-ақ қызметкерлердің жөндеу жұмыстарын жүргізу туралы ешқандай келісім жасамағанын атап өтті. Ол жұмысшылар тазалықты сақтаумен қатар, жөндеумен де айналысу керек пе, жоқ па? – деп соны түсінгісі келетінін жеткізді.
Алматы облысының білім басқармасы мектеп қызметкерлерінің наразылығына қатысты мәлімдеме жасады.
"Техникалық персонал ағымдағы тазалау жұмыстарын жүргізді, оның ішінде оқу жылы басталар алдында олардың функционалдық міндеттеріне сәйкес әктеу және жуу жұмыстары жүргізілді. Мектеп басшылығы тарапынан еңбек бұзушылықтары болған жоқ", - делінген хабарламада.
