Алматы құтқарушылары аптап ыстыққа байланысты тұрғындарға ескерту жасады

"Қазгидромет" синоптиктерінің мәліметінше, жетінші шілде күні Алматыда сынап бағанасы 36-38 градусқа дейін көтеріледі. Күн қатты ыстық болуы ықтимал. 

Осыған байланысты Алматы қаласы Төтенше жағдайлар департаменті төмендегі қауіпсіздік шараларын сақтауды ұсынып отыр: 

Күн сәулесі тікелей түсетін жерлерде мүмкіндігінше аз болуға тырысыңыз; 

Сағат 12:00-ден 16:00-ге дейінгі уақытта күннің сәулесі белсенді болатынын ұмытпаңыз. Денені күн сәулесінен қорғап, жабық киім киюге тырысыңыз және күннен қорғайтын сықпа майлар қолданыңыз; 

Алкогольді ішімдік ішпеңіз – алкоголь ыстықта ағзаға тез әсер етеді және дене жоғары температураға сезімтал болады;

 Сұйықтықты (салқындатылған су, минералды су) мүмкіндігінше көп ішуге тырысыңыз; 
Денеге салмақ түсірмеңіз. Күшті жүктеме ыстықта жылу алмасуды арттырады да ағзаны сусыздануға әкеліп соқтырады; 

Көлікпен ұзақ сапарларға шықпауға тырысуыңыз керек, егер бұл мүмкін болмаса, жолда мүмкіндігінше абай болыңыз, себебі, қатты ыстықтан көңіл күй төмендеп адам өзін өзі нашар сезінуі мүмкін және реакция төмендейді;

 Егер сіз төтенше жағдайға тап болсаңыз және сіздің өміріңізге қауіп төнген болса, "112", "101" бірыңғай құтқару қызметіне қоңырау шалыңыз (қоңырау шалу тегін). 

Ыстық ауа райы, әсіресе жүрек-қан тамырлары ауруларымен, артериялық гипертензиямен ауыратын адамдар үшін, сондай-ақ инфаркт пен инсульт қаупі бар адамдарға өте қауіпті.