Қазақстанда 1 наурызға қараған түні уақытты ауыстыруы мүмкін
1 554
Қазақстан 2024 жылдың 29 ақпанынан 1 наурызына қараған түні бірыңғай 
уақыт белдеуіне ауысады. Тиісті Үкімет қаулысының жобасы "Ашық заңды тұлғалар" порталында жарияланды, - деп хабарлайды "Opennews.kz" ақпарат агенттігі.
Ендігі кезекте, Қазақстанның бүкіл аумағына UTC+5 белдеуін қолдану ұсынылады.
"Астана, Алматы, Шымкент қалаларының, Абай, Ақмола, Алматы, Жамбыл, Жетісу, Қарағанды, Қостанай, Павлодар, Солтүстік Қазақстан, Түркістан, Ұлытау, Шығыс Қазақстан облыстарының әкімдіктері 2024 жылғы 29 ақпаннан 2024 жылғы 01 наурызға қараған түні (сағат 00:00-де) жергілікті уақытты 1 сағатқа артқа ауыстырады", - делінген құжат мәтінінде.
Жобаны қоғамдық талқылау 22 желтоқсанға дейін ашық.
