Байқоңырда тағы екі зымыран ұшырылмақ
3 003
«Байқоңыр» ғарыш айлағында Роскосмостың 2023 жылғы ұшыру бағдарламасы аяқталғанына қарамастан, 2024 жылы ғарыштық ұшыруларға дайындық жалғасуда, - деп хабарлайды "Opennews.kz" ақпарат агенттігі.
2024 жылы Байқоңырдан ұшыру жоспарына сәйкес, жаңа жылдың бірінші айында ұшырылымдар жоспарланбаған.
Роскосмос баспасөз қызметінің хабарлауынша,
«Байқоңыр» ғарыш айлағы 254-ші учаскесінің монтаждау-сынау корпусында «Прогресс МС-26» жүк кемесін дайындау жұмыстары жалғасуда. Ғарыштық жүк көлігі Халықаралық ғарыш станциясына 2024 жылдың 15 ақпанында ұшырылады деп жоспарланған.
Сондай-ақ С.П. Королев атындағы «Энергия» зымыран-ғарыш корпорациясы бақылау-зауыттық сынақтардан кейін «Союз МС-26» басқарылатын ғарыш кемесін Байқоңыр ғарыш айлағына жіберді. Оның ұшырылуы 2024 жылдың қыркүйек айына жоспарланған. Кеме ғарыш айлағына пойызбен жеткізіледі.
