Қаз
Рус
"Қазақмыс" кенішінде жұмысшы қаза тапты
1 523
"Қазақмыс" компаниясында 2023 жылы 26 желтоқсанда Ұлытау ауданындағы "Жыланды" кенішінде қайғылы оқиға орын алды, - деп хабарлайды "Opennews.kz" ақпарат агенттігі.
"Сағат 18:30-да "Шығыс Сары-Оба" шахтасы учаскелерінің бірінде жерасты өздігінен жүретін машинаны жұмыс орнына алып бара жатып, жүргізуші абайсызда 1992 жылы туған жүргізушіні қағып кеткен. Нәтижесінде қызметкер ауыр дене жарақатын алып, қаза болды. Апаттың мән-жайы мен себептерін арнайы комиссия анықтап жатыр", - делінген компания таратқан хабарламада.
"Қазақмыс" компаниясының басшылығы мен еңбек ұжымы марқұмның отбасы мен жақындарына көңіл айтты.
