Балабақшада арақ ішкен әйелдердің видеосы тарады
1 655
Атырауда балабақшада арақ ішкен әйелдердің видеосы тарады, - деп хабарлайды "Opennews.kz" ақпарат агенттігі Massaget.kz сайтына сілтеме жасап.
Оқиға 14 ақпан күні №2 "Ақсұңқар" бөбекжай-бақшасында болған. Желі қолданушыларымен бірге ата-аналардың ашуын туғызған видеода әйелдердің бір-бірімен рюмка түйістіріп, арақ ішіп отырғандары анық көрінеді.
Атырау қаласы маңындағы Көкарна ауылындағы балабақшада орын алған жағдайға байланысты қалалық білім бөлімі тексеріс жүргізіп жатыр.
"Видеодағы әйел адамдар балабақшаның ас үйіндегі техникалық қызметкерлері болып табылады. Орын алған жағдайға байланысты тиісті түсініктемелері алынуда. Теріс әрекет көрсеткен әйел адамдар педагогтар емес", - деп түсінік берді "Ақсұңқар" бөбекжай-бақшасының әкімшілігі.
Балалар жүрген жерде арақ ішу оқиғасы балабақша басшылығы жұмыстан кеткен уақытта болған.
