"Мәйіті көлден табылған": 15 жыл бұрынғы жұмбақ өлімнің құпиясы ашылды

1 691

Фото: alwafd.news15 жылдан бері іздеуде жүрген қылмыскер ұсталды, - деп хабарлайды "Opennews.kz" ақпарат агенттігі.



Павлодар полициясына 2009 жылы ер адам жұбайының жоғалып кеткені туралы хабарлаған. Оның айтуынша, әйелі досына кетіп, қайтып оралмаған. Жоғалған адамды іздестіру қарқынды жүзеге асады. Қазақстан мен көрші мемлекеттің өңірлерінен де іздестіріледі. Бірақ әйел із-түссіз жоғалады.


Бір жылдан кейін көлден әйелдің мәйіті табылды. Геномдық сараптама жоғалған павлодарлықтың жеке басын растады, тергеу барысында кісі өлтіру фактісі бойынша қылмыстық іс қозғалды. Осы жылдар ішінде іс бойынша түрлі шаралар өткізілген. Бірақ қылмысты ашу мүмкін болмады. Тергеу басшылықтың ерекше бақылауында болды.


Осы жылы жедел-іздестіру іс-шараларының нәтижесінде Павлодар облысының полициясы күдіктінің ізіне түсті. Ер адам жанжалдасқанда, оны тұншықтырып өлтіргені анықталды. Содан кейін ол мәйітті суға тастап, қылмысын жасырған.


"Оның ұзақ уақыт бойы аса ауыр қылмыс жасағаны үшін бас бостандығынан айыру орындарында болғаны анықталды. Ал 2022 жылы шартты түрде мерзімінен бұрын босатылды. Оны Астанада ұстады. Қазіргі уақытта қылмыстық іс қайта жанданды. Тергеу жалғасып жатыр", -деді Павлодар облысы ПД криминалдық полиция бастығы Балғабай Қапаров.