6 жасар баланы көлік қағып, мерт болды
1 608
Алматы облысының Саймасай ауылында 2018 жылғы баланы көлік қағып кетіп, мерт қылды, - деп хабарлайды "Opennews.kz" ақпарат агенттігі.
Жол апаты 10 мамыр күні Пащенко көшесінде болған. Opel Astra көлігін тізгіндеген әйел жолдың жиегінде ойнап отырған баланы қағып кеткен.
Сол маңдағы адамдар балақайдың әрдайым жолдың арғы бетіндегі құм үстінде ойнайтынын жеткізді. Оқиға орнына жедел жәрдем көлігі шақырылған, олар баланы жансақтау бөліміне жеткізген, бірақ кейінірек балақайдың көз жұмғаны белгілі болды.
Баланың туыстары жүргізуші жазасыз қалады деп қорқып отыр.
"Бала жолдың жағасында құммен ойнап отырған. Жүргізуші әйел телефонда отырғанына қарамай, жылдамдықты арттырған. Жолдың жиегінде отырған баланы қағып, оқиға орнынан қашып кеткісі келген. Куәгерлер дер кезінде тоқтатып алды. Бірақ, баланың жағдайын көру үшін, көмек көрсету үшін көліктен түскен жоқ", - дейді қаза болған баланың әпкесі Зарина Қамбарова.
Туыстарының айтуынша жол-көлік оқиғасынан кейін әйел қамауға алынбаған.
Алматы облыстық ПД жүргізуші әйел ұсталғанын мәлімдеді. Қазіргі кезде тергеу амалдары жүргізіліп жатыр.
