Банкрот рәсімдеу кезінде мүлігін жасырған азаматтар айыппұл төлемек

Қаржы министрінің орынбасары Ержан Біржанов банкроттық рәсімі кезінде жалған ақпарат берген жеке тұлғалар айыппұл төлейтінін мәлімдеді, деп хабарлайды Opennews.kz ақпарат агенттігі.



Министр орынбасарының айтуынша, азаматтардың төлем қабілетін қалпына келтіру және банкрот туралы түзетулер банкрот рәсімін бұзғаны үшін әкімшілік жауапкершілікті белгілеу қажет екенін көздейді.

Мысалы, азаматтың кредиторлар алдындағы міндеттемелерін орындаудан жалтару мақсатында қасақана банкроттық туралы өтініші үшін - 200 АЕК. Жалған ақпарат бергені немесе соттан тыс тәртіпте банкроттықтың шегінде мүлікті (ол туралы ақпаратты) жасырғаны, төлем қабілетін қалпына келтіргені үшін – 100 АЕК, - деді Ержан Біржанов.

Сонымен қатар спикер толықтырғандай, сот банкроттық және төлем қабілетін қалпына келтіру рәсімін бұзғаны үшін қаржы менеджерлеріне 15-тен 100 АЕК-ке дейін жауапкершілік енгізіледі.