Ер адам сот залында тамырын кескен

31 мамырда таңғы уақытта облыстық сот залында 40 жастағы ер адам Әкімшілік құқық бұзушылық туралы кодекстің 608-бабы (Алкогольдік, есірткілік және уытқұмарлық масаң күйдегі көлік құралын басқару) бойынша сот шешімін естіген соң қағаз кесетін пышақпен тамырын кескен, - деп хабарлайды "Opennews.kz" ақпарат агенттігі «Ақ жайық» басылымына сілтеме жасап.

Белгілі болғандай, қала тұрғынының 36 жастағы әйелі ажырасу барысында күйеуінің үстінен арыз берген. Ол Қылмыстық кодекстің 389-бабымен (Өзінше билік ету) сотталды. Әдетте бұл бап бойынша сотталғандар айыппұл төлеумен, түзеу жұмыстарын атқарумен немесе қамауға алумен жазаланады.

Сот залында ер адам шаршағанын айтып, өз-өзіне қол салғысы келген.

Қала тұрғыны облыстық ауруханаға жеткізіліп, оған медициналық көмек көрсетілген. Кейін ол уақытша ұстау изоляторына қамауға алынған.