Қаз
Рус
Жедел жәрдем көлігі екі қызды қағып кетті
1 264
Есіктегі жаяу жүргіншілер өткелінде жедел жәрдем көлігі екі қызды қағып кетті, - деп хабарлайды "Opennews.kz" ақпарат агенттігі.
12 қыркүйекте Алматы облысының Есік қаласында жедел жәрдем жүргізушісі жолдан өтіп бара жатқан екі қызды қағып кеткен. Әлеуметтік желіде апат орнынан түсірілген суреттер пайда болды.
Облыстық полиция департаментінің мәліметінше, жол-көлік оқиғасы Алтын адам аллеясы көшесінде болған.
«Полицейлер жол-көлік оқиғасы бойынша әкімшілік іс қозғады, оларға алғашқы медициналық көмек көрсетіліп, көлік арнайы тұраққа орналастырылды», - делінген хабарламада.
