Қазақи киінген жастардың оғаш суреті салынған парақша желі қолданушыларын ашуландырды

Өнер өнерімен, бірақ өнер деген ұлттық құндылықтарға зияны келмеу керек...
 
ЛГБТ-нің туын ұлттық киім киген қазақ қызына ұстатқан сурет салынған @qantars Instagram парақшасы желі қолданушыларының ашуын туғызды.

Бұл парақша туралы алғашқылардың бірі болып белгілі блогер Дәулет Төлеутайұлы өз пікірін білдірді. 

- Медалі жоқ пост! Түнгі чат! Құрметті менің армиям, мына @qantars парақшасына бәріміз жалоб басайық. Админін білмедім... Бірақ өзін өнер адамы ретінде танытады екен. Өнер өнерімен, бірақ өнер деген ұлттық құндылықтарға зияны келмеу керек. Халықтың ашуына, ұятына, намысына тиетін нәрселерді жасамау керек. Мынау деген шеттен шыққандық. Қызды қызбен, ұлды ұлмен сүйістіріп, ылгыбыты (әдейі осылай жаздым, себебі инстаның өзі мына постымды өшіріп тастауы мүмкін. Адам құқығы анау мынау деп) туын ұлттық киім киген қазақ қызына ұстатып сурет салу үлкен қорлық!!! Әрі сорақылық деп білемін. Онымен қоймай, 10000-нан аса адам осы суреттерге лайк басқан. Оқырмандарым, белсенді болайық. Бір уақытта 10000-нан аса жалоб түссе, парақша блокқа түседі, кеттік... - деп жазды Дәулеттен. Танымал блогерді желі қолданушылары тұтастай қолдап отыр.