СЫРДАРИЯ АУДАНЫНДА СҰЙЫТЫЛҒАН ГАЗ ЕРКІН САТЫЛУДА
Сырдария ауданында сұйытылған газ еркін сатылуда, - деп хабарлайды "Opennews.kz" ақпарат агенттігі.
Облыс әкімі Нұрлыбек Машбекұлы Нәлібаев сұйытылған газға байланысты операторлардан сатылым лимитін алып тастауды талап етіп, газ тапшылығын қолдан жасауға тыйым салған болатын. Осы ретте, аймақ басшысының тапсырмасына сәйкес, арнайы жұмысшы топпен аудан көлеміндегі сұйытылған газ операторларына мониторинг жұмыстары жүргізілді.
Мониторинг жұмыстары барысында барлық оператордың газ қорына зерделеу жүргізіліп, сатылылым лимитін алып тастау жөнінде түсіндіріліп, ескертілді.
Бүгінгі таңда аудан бойынша 10 газ құю операторы жұмыс істеуде. Аймақ басшысының тапсырмасынан соң аудандағы барлық операторлар шектеулерді алып тастап, сұйытылған газ еркін сатылуда.
