34 жастағы әйелдің көлігінен 20 млн теңгенің есірткісі табылды
1 158
Талдықорған қаласының 34 жастағы тұрғыны көлігіне бір келі мефедронды салып алып, таратқан, - деп хабарлайды "Opennews.kz" ақпарат агенттігі.
Жетісу облысы полициясы «Toyota Yaris» автокөлігін тесеріп, 2 мың доза синтетикалық есірткі тауып алған. Есірткінің нарықтық құны 20 миллион теңгеге бағаланады.
«Есірткіні анықтау фактісі бойынша сотқа дейінгі тергеу басталды, күдікті қамауға алынды. Полиция есірткі заттарын өндіру, сақтау, тасымалдау және аса ірі мөлшерде өткізу сияқты заңсыз әрекеттері үшін мүлкі тәркіленіп, 10 жылдан 15 жылға дейінгі мерзімге бас бостандығынан айыру жазасы қарастырылғанын еске салады», - делінген хабарламада.
