Қаз
Рус
Қазақстан Қарулы күштерінің дивизион командирі есірткімен ұсталды
1 475
Қазақстанның Қарулы күштері дивизион командирі Самат Асанов ірі есірткі партиясымен ұсталды. - деп хабарлайды "Opennews.kz" ақпарат агенттігі.
Қарағанды облысының полиция департаменті бұл мәліметті растады. Ол – Сарыөзек әскери гарнизонының майоры.
10 қараша күні «Балқаш-Сарышаған» тас жолында патрульдік полиция қызметкерлері жол қауіпсіздігін қадағалау барысында жол жүру ережесін бұзу бойынша (мемлекеттік тіркеу нөмірі болмаған) 31 жастағы азамат тізгіндеген Geely Coolray автокөлігін тоқтатты. Көлікке тексеру жүргізу кезінде жүк салғыш бөлігінен жалпы салмағы шамамен 12 келі 18 пакетке оралған ақ түсті ұнтақ заттыр тәркіленді. Оқиға орынына жедел-тергеу тобы шақырылып, олар тәркіленген заттардың тыйым салынған зат екенін анықтады, – деп мәлімдеді ПД.
Аталған дерек бойынша қылмыстық іс қозғалды. Жүргізуші ұсталып, уақытша ұстау изоляторына қамалды.
Полиция азаматтардың қауіпсіздігін қамтамасыз ету және есірткінің таралуын болдырмау үшін есірткі қылмыстарының жолын кесу бойынша күшейтілген жұмысты жалғастыра бермек.
