Шерзат Болаттың ағасының денесі табылды
1 435
Талғардың шетінде Нұрғанат Ғайыпбаевтың денесі табылды, - деп хабарлайды "Opennews.kz" ақпарат агенттігі.
Полицейлердің мәліметінше, 30 жастағы ер адамның денесі Талғар қаласының маңынан табылған. Алдын ала болжам бойынша, ол асылып, өз-өзіне қол жұмсаған.
"Марқұмның Шерзат Болаттың ағасы екені анықталды. Тергеу сатысында қылмыстық сипаттағы белгілер анықталған жоқ", –делінген хабарламада.
Облыстық полиция департаменті марқұм Шерзаттың отбасы үнемі полицияның қорғауында екенін атап өтті. Осы уақыт ішінде марқұмның отбасына қауіп төндіру фактілері тіркелмеген.
"Қауіпсіздік қызметкерлерінің түсініктемелері бойынша, ер адамның күзетілетін нысаннан кешкі сағат 23:30-да өз көлігімен шығып кеткен . Тергеу мүддесі үшін басқа мәліметтер жарияланбайды", – деп қосты полиция.
Полиция тек ресми ақпарат көздеріне сенуді сұрайды және жалған ақпарат тарату жауапкершілікке, соның ішінде қылмыстық жауапкершілікке әкеп соқтыратынын еске салады.
