Алматының кей бөлігіне ескі автокөліктермен кіруге шектеу енгізу ұсынылды
Алматыда Қоғамдық кеңестің отырысында ауа сапасын жақсарту үшін ескі көліктермен жүруді шектеу ұсынылды, - деп хабарлайды "Opennews.kz" ақпарат агенттігі.
2024 жылғы зерттеу деректерінде Алматыдағы ауаның негізгі ластаушысы автокөлік екені көрсетілген. Олар 60 пайызды алады. Жылына 189 мың тонна ластаушы заттардың 112 мың тоннасы автомобильдерге, 52 мың тоннасы өнеркәсіптік кәсіпорындарға, ал қалғаны жеке үйлер мен шағын бизнеске тиесілі.
Almaty air initiative қорының жоба менеджері Равкат Мұхтаров Алматыда ластаушы заттардың деңгейі рұқсат етілген нормалардан орта есеппен 4,8 есеге асатынын хабарлады.
Көлікті дамыту жөніндегі сарапшы Елена Ерзакович автобус жолақтарының санын ұлғайтып, шығарындылары төмен аймақтарды белгілеу қажеттігін атап өтті. Ол сондай-ақ ластану деңгейінің төмендеуіне әкелетін тұрақ кеңістігін дамытудың маңыздылығын атап өтті.
Алматы мәслихатының депутаты Бейбіт Апсенбетов қала билігі жолдағы ескі автомобильдердің санын қысқарту бойынша кешенді шараларды шұғыл іске асыруды бастауы қажет екенін алға тартты.
